A cikin kowace al'umma, darajar iyali na farawa ne daga nagartar uwargida. Ita ce ginshikin rayuwar gida, mai kula da zamantakewa, da wanda ta ke da babban matsayi wajen tarbiyyar yara da kiyaye dokokin aure bisa koyarwar Musulunci.

Wannan littafi, Uwargida Musulma Ta-kwarai, ya zo ne domin bayyana matsayi da hakkin da ke rataya kan mace musulma a matsayin uwargida. Yana jaddada irin rawar da take takawa wajen ciyar da gida gaba ta hanyar biyayya, hikima, adalci, da jajircewa a cikin zamantakewar aure.

Wani lokaci, mutane kan mai da hankali kan nauyin da ke kan maza, su manta da irin gudunmawar da mata ke bayarwa. Duk da haka, kamar yadda aure ke bukatar jajircewa daga bangaren miji, haka ma yana bukatar himma daga uwargida. Ta hanyar bin koyarwar Al-Qur’ani da Sunnah, mace na iya zama uwargida nagari, mai kula da zamantakewar iyalinta, da kuma samun lada daga Ubangiji.

A cikin littafin nan, an bayyana irin halayen da uwargida na kwarai ke da su, tare da kawo misalai daga rayuwar Manzon Allah (S.A.W) da matansa. Ana kuma bada shawarwari masu amfani ga mata domin su kasance kyakkyawan misali ga ‘ya’yansu da al’ummarsu baki daya.

Allah ya sa wannan littafi ya zama abin amfani ga duk wata mace musulma da ke son inganta zamantakewar aurenta, da kuma kiyaye dokokin addini cikin rayuwar iyali.